कर्ता करविता ईश्वर, त्याच्यावर टाकते भार;
_____ रावांचे नाव घेते, नौका लाव पार
कस्तुरीचा जन्म सुगंधाकरिता ,
माझे सारे जीवन _______रावांकरीता
बहिणीसारख्या नणंदा , भावासारखे दीर,
______ रावांचे नाव घ्यायला मन माझं अधीर
सासूबाई माझ्या प्रेमळ , सासरे माझे दयाळू
_______ राव तर आहेत अतिशय मायाळू
द्वारकेत श्रीकृष्ण , अयोध्येमध्ये राम;
_______ च्या पायांशी माझे चारही धाम
शब्द तिथे नाद आणि कवी तिथे कविता;
______ रावांची जोड जणू सागर आणि सरिता
सौभाग्याची जीवनज्योत प्रीततेलाने तेवते ;
_______ रावांना मी दीर्घायुष्य मागते
माहेरची माया अन माहेरची साडी;
______ रावांची अन माझी जमली जोडी
नववर्षाच्या शुभारंभ करिता येतो पाडवा ;
_____ रावांच्या सहवासात लाभो सदैव गोडवा
श्रावणाच्या हिरव्या साजाने सृष्टी आहे सजली;
_______ रावांच्या सुखासाठी मंगळागौर मी पुजली
श्रावण सरला, वाजत गाजत गणपती आले दारात
_______ रावांचे नाव घेऊन आणते गौरी घरात
तीलगुळाच्या देवघेवीनं दृढ प्रेमाचं जुळतं नातं;
_______ रावांचे नाव घेते आज आहे मकर संक्रांत
रूप गुण संपदेच्या जोडीला हवं चारित्र्य ;
______ रावांच्या नावात आहे पावित्र्य
स्वर्गीय नंदनवनात सोन्याच्या केळी ;
______ रावांचे नाव घेते गौरी पूजनाच्या वेळी
कुबेराच्या भंडारात हिरे- मानकांच्या राशी
_______ रावांचे नाव घेते हळदी कुंकवाच्या दिवशी
चंद्र मराठीत, चाँद हिंदीत , इंग्रजीत म्हणतात मून
——– रावांचे नाव घेते मी _______ सून
हिमालय पर्वतावर बर्फाच्या राशी,
_______ रावांचे नाव घेते मंगळागौरीच्या दिवशी
महाविष्णूच्या मस्तकावर डोलत असतो शेष
_______ रावांचे नाव घेऊन करते मी गृहप्रवेश
यमुनेच्या डोहात पडे ताजमहालाची सावली ;
______ रावांची आई जशी माझी दुसरी माउली
इंग्रजी भाषेत पाण्याला म्हणतात वॉटर
______ रावांचे नाव घेते, आहेत ते डॉक्टर
घातली मी वरमाळा, _______ रावांच्या गळी
थरथरला माझा हात; चढली लज्जेची लाली
बागेमध्ये फुलतात गुलाब रोज ताजे ;
_____ रावांचे नाव घेते, तेच सौभाग्य माझे
जीवनरूपी कादंबरी वाचली आम्ही दोघांनी,
______ रावांचे नाव घेते पत्नी या नात्याने
जीवनरूपी कादंबरी वाचली आम्ही दोघांनी,
______ रावांचे नाव घेते पत्नी या नात्याने
चित्र काढतो चित्रकार, शिल्प घडावी शिल्पकार;
भाग्यवंत मी, मला लाभले ______ राव जोडीदार
